بوتەفلیقە سەرۆکی پێشووی جەزائیر کۆچی دوایی کرد

SNN

بەرەبەیانی ئەمڕۆ شەممە، 18ی ئەیلول، تەلەڤزیۆنی فەرمی جەزائیر بڵاویکردەوە، عەبدولعەزیز بوتەفلیقە سەرۆکی پێشووی ئەو وڵاتە، لە تەمەنی 84 ساڵیدا کۆچی دوایی کرد، بەبێ ئەوەی باس لە هۆکاری مردنەکەی و کات و رێوڕەسمی ناشتنی بکرێت.

بوتەفلیقە 20 ساڵ سەرۆک بووە و لە 2019، لەژێر گوشاری خۆپیشاندەران دەستی لەکارکێشایەوە، ساڵی 2013 تووشی جەڵتەی مێشک بووە، بەڵام نەیدەویست دەستبەرداری پۆستەکەی بێت، لە پەنجاکان و شەستەکاندا دژی داگیرکاری فەرەنسی جەنگاوە.

بوتەفلیقە چوار خول، سەرۆک کۆماری جەزائیر بووەو لە تەمەنی 82 ساڵیدایە و لە ساڵی 2019، سەرەڕای تێکچوونی باری تەندروستی، رایگەیاند کە خۆی کاندید دەکات بۆ خولی پێنجەمی سەرۆکایەتی کۆمار، ئەمەش کاردانەوەی لێکەوتەوەو خۆپیشاندان لەو وڵاتە دەستیپێکرد. لەدوای کاردانەوەکان بوتەفلیقە لە 11ی ئازاری هەمان ساڵ رایگەیاند، هەڵبژاردنی چاوەڕوانکراوی 18ی نیسان دوادەخرێت و کاندید بوونی خۆیشی هەڵوەشاندەوە.