راگەیەندراوێک لە بەڕێوەبەرایەتی گشتی دژەتیرۆرەوە
SNN
بەڕێوەبەرایەتی گشتی دژەتیرۆری کوردستان لە راگەيەندراوێکدا روونکردنەوەيەکی دەربارەی ڕوداوە نەخوازراوەکانی 48 کاتژمیری رابردووی شاری سلێمانی بڵاوکردەوە و رايگەياند: ” کۆمەڵانی خەڵکی کوردستان بەگشتی و جەماوەری شاری سلێمانی خۆشەویست لەوە دڵنیا دەکەینەوە بە پاڵپشتی دۆکۆمێنت و زانیاری تایبەت سەرەداوی ووردمان دەربارەی ئەو ڕوداوانە دەستکەوتووە”.
دەقی راگەيەندراوەکە:
دەربارەی ڕوداوە نەخوازراوەکانی 48 کاتژمیری رابردووی شاری سلێمانی.
وەک بەڕێوەبەرایەتی گشتیی دژەتیرۆر، کۆمەڵانی خەڵکی کوردستان بەگشتی و جەماوەری شاری سلێمانی خۆشەویست لەوە دڵنیا دەکەینەوە بە پاڵپشتی دۆکۆمێنت و زانیاری تایبەت سەرەداوی ووردمان دەربارەی ئەو ڕوداوانە دەستکەوتووە، پاش یەکلاکردنەوە و پشتڕاستکردنەوەیان بەبەڵگەوە بۆرای گشتیی کوردستان بڵاویان دەکەینەوە.
هەروەها جەخت دەکەیەنەوە لەوەی شاری سلێمانی هەمیشە وەک لانکەی فرەدەنگی و ئارامی دەمێنێتەوە هیچپیلان گێڕییەک سلێمانی و دەزگا ئەمنییەکانی بەلاڕێدانابات.
