دووبارە ئێران لە رێگەی فەرماندەکاینەوە هەرەشە لە پارتە کوردییەکان دەکات

SNN

ئاژانسی میهر-ی ئێرای رایگەیاند: محەمەد تەقی ئوسانلو فەرماندەی بڕیارگەی حەمزە سەیدوشوهەدای سەر بە سوپای پاسدارانى ئێران دەلێت “بنکەی ئەو هێزانە لەگەڵ زەویی تەختدەکەین”.

محەمەد تەقی ئەوەی بە رۆژنامە ئێرانییەکە وتووە “بەهەموو گروپە دژە شۆڕشەکان دەڵێین هەرکەس ئاسایشی ناوچەکە بخاتە مەترسییەوە، رووبەڕووی دەبینەوە، ئەگەر پێویست بێت، بنکەی ئەو گروپانە لەگەڵ خاک یەکسان دەکەین”.

فەرماندە باڵاکەی سوپای پاسداران لە بەشێکی تری قسەکانیدا باسی لەوەکرد، بەلای ئەوانەوە ئاسایشی ناوچەکە هێڵی سوری هێزە چەکدارەکانی ئێرانە.

دوای هەڕەشەکانی ئەمدواییەی سوپای پاسدارانی ئێران بۆ لێدان‌ و بەئامانجگرتنی پارتە کوردییە بەرهەڵستکارەکانی ئێران لە ناو خاکی هەرێمی کوردستان، جارێکی تر فەرماندەیەکی باڵای سەر بە سوپای پاسداران هەڕەشە لەپارتە کوردییەکانی ڕۆژهەڵات دەکات‌ و ڕایدەگەیەنێت، “بنکەی ئەو هێزانە لەگەڵ زەویی تەختدەکەین”.