بەرپرسی خەمسارد و گەندەڵ دەگۆڕین
SNN
شاناز ئیبراهیم ئەحمەد كارگێڕی مەكتەبی سیاسی یەكێتی، رایگەیاند: ئەو رەخنانە پشتگۆێ ناخەن کە رووبەڕووی بەشێک لە بەرپرسە حکومییەکان کراونەتەوە.
كارگێڕی مەكتەبی سیاسی یەكێتیی نیشتمانیی کوردستان ئەمڕۆ یەکشەممە، 22ی ئەیلول، لەگەڵ، قایمقام و بەڕێوەبەری ناحیانەدا كۆبووە كە سەر بە یەكێتی و گۆڕانن و لەپۆستەكانیان بەخشراون و ئەو پەیامەی پێگەیاندن :” هەندێک بەرپرسی ئیداری لەپۆستەكانیاندا گلەیی و رەخنەی زۆریان رووبەڕوو بووەتەوە، ئێمەش بەدڵنیاییەوە ئەو رەخنانە پشتگوێ ناخەین و هەر بەرپرسێك خەمسارد و گەندەڵ بێت لێی قبوڵ ناكەین و دەیگۆڕین”.
راشیگەیاند: كارەكانی رابردووتان جێگەی رێزە لامان، ئێستاش كە لەپۆستەكانتاندا نەماون خەمخۆر و داكۆكیكاری راستەقینەتان دەبین و پێویستە لەم قۆناغەدا بە ئەرك و رۆڵی حزبی خۆتان هەڵسن، ئێوە خاوەن ئەزموونن لەبەڕێوەبەریی و كاری ئیدارییدا، بۆیە بڕیارمانداوە پێداچوونەوە بكەین و لەمەشدا توانا و لێهاتویی ئێوە وەك كەسانێكی خاوەن ئەزموون لەبەرچاو دەگرین.
