پارێزگاری هەولێر: پرسی کۆنگرەکە پەیوەندی بە ئێمە و وەزارەتی ناوخۆوە نییە
ئومێد خۆشناو، پارێزگارى هه‌ولێر | فۆتۆ: SNN
SNN
لەکاتێکدا پێشتر وەزارەتی ناوخۆی هەرێم رایگەیاندبوو بەدواداچوون بۆ بەڕێوەچوونی کۆنگرەیەکی هەولێر دەکەن کە تیایدا ئاساییکردنەویە پەیوەندییەکان لەگەڵ ئیسرائیل گەڵاڵەکرانوو، پارێزگاری هەولێر ئەمڕۆ رایگەیاند: “ئەو پرسە پەیوەندی بە ئێمەوە نییە و بەشداربوانی کۆنگرەکەش لە هەولێر نەماون”.
ئومێد خۆشناو پارێزگاری هەولێر ئەمڕۆ لە کۆنفرانسێکی رۆژنامەوانیدا وتی: ئەو كەسانەی بەشداریی كۆنگرەكەی هەولێریان كردووە و فەرمانی دەستگیركردنیان بۆ دەرچووە، لە هەولێر نەماون و لە شارەكانی دیكەی عێراقن.
لە كۆنفرانسێكی ڕۆژنامەوانیدا ئومێد خۆشناو، پارێزگاری هەولێر ڕایگەیاند: “حکومەتی عێراق بڕیاری دەستگیرکردنی بۆ بەشێک لەو کەسانە دەرکردووە کە بەشداریی کۆبوونەوەکەیان کردووە، ئێستا لێرەنین و لە شارەکانی عێراقن، بۆیە حکومەتی عێراق دەتوانێت خۆی لێکۆڵینەوەیان لەگەڵدا بکات”.
ئومێد خۆشناو وتی: “ئەو پرسە بە هیچ شێوەیەک پەیوەندی بە پارێزگای هەولێر و وەزارەتی ناوخۆ نییە و پێشتریش ئەو کەسانە داوای مۆڵەتیان کردبوو، بەڵام مۆڵەتەکەیان ڕەتکراوەتەوە”.
هەر ئەمڕۆ دەستەی دامەزرێنەری سەحوەی عێراق ئاشکرایکرد، ویسام حەردانی لە پۆستی سەرۆکی سەحوە دوورخستووەتەوە بەهۆی ئەوەی یەکێک بووە لە سەرپەرشتیارانی سەرەکیی کۆنگرەکەی هەولێر.
