نرخی كاره‌بای مۆلیدە بۆ ئەم مانگە دیاریكرا
نرخی ئەمپێڕی مۆلیدە ئەهلییەکان
SNN
قائيمقاميەتی سلێمانی رايگەياند: “نرخی یه‌ك سه‌عات كاره‌بای موه‌لیده له‌نێوان سێ هه‌زار بۆ چوار هه‌زار و (500) دینار ده‌بێت”.
ئەمڕۆ دووشه‌ممه، لیژنەی دیاریکردنی نرخی موەلیدە ئەھلییەکانی سلێمانی نرخی كاره‌بای موەلیدە ئه‌هلييه‌كانی بۆ مانگی ئه‌یلول له‌سه‌ر بنه‌مای نرخی سوته‌مه‌نی له‌بازاڕه‌كانی هه‌رێمی كوردستان، نرخی كاتژمێره‌كانی كاركردنی موه‌لیده‌كان دیاریكرد.
به‌پێی كۆنووسی كۆبونه‌وه‌كه، كاركردن و ته‌رخانكردنی كاره‌با له‌لایه‌ن موه‌لیده ئه‌هلییه‌كانه‌وه بۆ هاووڵاتیان له مانگی ئه‌یلولدا له‌نێوان (80) بۆ (100) سه‌عاتدا بووه و هه‌ر سه‌عاتێك به (43) چل و سێ دینار دیاریكراوه، به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی له ناوشاری سلێمانی بۆ ئه‌و مانگه له نێوان سێ هه‌زار بۆ چوار هه‌زار و (500) دینار ده‌بێت، به‌هۆی جیاوازی كارپێكردنی موه‌لیده‌كان له‌گه‌ڕه‌كێك بۆ گه‌ڕه‌كێكی دیكه، نرخی ئه‌مپێڕێك كاره‌بای موه‌لیده‌ی گه‌ڕه‌كێك بۆ گه‌ڕه‌كێكی دیكه جیاواز ده‌بێت.
