کشانەوەی هێزەکانی ئەمريکا لە عێراق دەستيپێکردووە

SNN

وتەبێژی سەرۆکی هێزەچەکدارەکانی عێراق رایگەیاند: هێزەکانی ئەمریکا پێیان راگەیاندوون دەستیان بە کشانەوە لە وڵاتدا کردووە و تاوەکو کۆتایی ساڵ هیچ سەربازێکی شەڕکەر نامێنێتەوە.

یەحیا رەسوڵ، وتەبێژی سەرۆکی هێزەچەکدارەکانی عێراق بڵاویکردەوە: هێزە شەڕکەرەکانی ئەمریکا پێیان راگەیاندوون دەست بە کشانەوەی لە وڵاتدا دەکەن، کشانەوەکە بەپێی پلانی سەرۆکایەتی هێزە هاوبەشەکان و هاوپەیمانان دەبێت.

باسی لەوەشکردووە: گۆڕینەوەی زانیاری هەواڵگری و راهێنانن و پڕچەککردن دوای کشانەوەکە بەردەوام دەبێت.

ئەوەشی خستووەتەڕوو: چەند راوێژکارێك لە بنکەی هێزە عێراقیەکاندا دەمێننەوە و ئەرکی پاراستیان لەسەر ئەو بنکانەیە.

ئەمە لەکاتێکدایە، لەمانگی تەمموزی ئەمساڵدا، بەغدا و واشنتۆن لە گەڕی چوارەمی گفتوگۆی ستراتیجیدا رێککەوتن لەسەر کشانەوەی هێزە شەڕەکانی ئەمریکا تاوەکو کۆتایی ساڵ.