عومەر سەید عەلی و سەرجەم ئەندامانی خانەی راپەڕاندنی گۆڕان دەستیانلەکارکێشایەوە
لۆگۆى بزووتنەوەى گۆڕان | فۆتۆ: SNN
SNN-عەلی حەمە سەعید
ئەندامێکی جڤاتی نیشتمانی بزوتنەوەی گۆڕان رایگەیاند: عومەر سەید عەلی و سەرجەم ئەندامانی دیکەی خانەی راپەڕاندن دەستیان لەکارکێشاوەتەوە و باسی لەوەشکرد، لە کۆبوونەوەکانی داهاتوودا بڕیار لە مانەوە یان کشانەوە لە حکومەت دەدرێت.
نزار مەحمود ئەندامی جڤاتی نیشتمانیی بزوتنەوەی گۆڕان بە SNNی راگەیاند: عومەر سەید عەلی و سەرجەم ئەندامانی دیکەی خانەی راپەڕاندنی بزوتنەوەی گۆڕان دەستیان لەکارکێشاوەتەوە.
وتیشی، تائێستا بڕیار لە کشانەوەی بزوتنەوەی گۆڕان لە حکومەت نەدراوە و ئەو بابەتە لە کۆبوونەوەی داهاتوودا یەکلایی دەکرێتەوە.
سەبارەت بە راپەڕاندنی کارەکانی بزوتنەوەکەش ئەو ئەندامەی جڤاتی نیشتمانیی بزوتنەوەی گۆڕان رایگەیاند: “لە کۆبوونەوەی داهاتووی جڤاتی نیشتمانیدا دەستەیەکی کاتی هەڵدەبژێردرێت”.
سەبارەت بەوەی لە تۆڕەکۆمەڵایەتیەکان باس لە هەندێک ناو دەکرێت بۆ جێگرتنەوەی عومەر سەید عەلی لە پۆستی رێکخەری گشتیی گۆڕان، نزار مەحمود وتی: ئەو دەنگۆیانە هیچ بنەمایەکیان نییە و تائێستا بڕیار لەو بابەتە نەدراوە.
