ئەردۆغان: ئەمجارە بەشێوەیەکی جیاواز شەڕی یەپەگە دەکەین

SNN

رەجەب تەییب ئەردۆغان سەرۆککۆماری تورکیا هۆشداریدا لەوەی وڵاتەکەی بەردەوام دەبێت لە شەڕی دژ بە یەپەگە بەڵام “ئەمجارە بەشێوەیەکی جیاواز”.

ئەردۆغان ئەمڕۆ لە کۆنفرانسێکی رۆژنامەوانیدا رەخنەی لە ئەمریکا و هاوپەیمانی نێودەوڵەتی گرت کە بەردەوامن لە پشتیوانییەکانیان بۆ هێزەکانی یەپەگە بە پێدانی چەک و پێداویستی سەربازی پێیان.

هاوکات باسی لە کوژرانی دوو پۆلیسی تورکیای کرد لە چەند رۆژی رابردوو و یەپەگەی پێتۆمەتبارکرد و هۆشداریدا لەوەی تۆڵەی کوژرانیان دەکەنەوە.

ئەردۆغان وتی: “رووبەڕووبوونەوەی یەپەگە لەلایەن تورکیاوە بەردەوام دەبێت بەڵام ئەمجارە بە شێوازێکی زۆر جیاواز” بەبێ ئەوەی ئەو شێوازە روونبکاتەوە.