تورکیا دەرگای 10 باڵیۆزخانەی داخست
SNN
بە بڕیاری سەرۆککۆماری تورکیا دەرگای 10 باڵیۆزخانەی وڵات لە تورکیا داخرا، ئەوەش دوای ئەوەی ئەو وڵاتانە داوای ئازادکردنی عوسمان کاڤالا چالاکوان و زیندانی سیاسییان لە تورکیا کردبوو.
رەجەب تەییب ئەردۆغان سەرۆککۆماری تورکیا لەسەر داخستنی دەرگای ئەو باڵیۆزخانانە رایگەیاند: “بە وەزیری دەرەوەم وتووە تورکیا ناتوانێت دەرگای ئەو باڵیۆزخانانە بە کراوەیی بهێڵێتەوە”.
دواتر ئەردۆغان رووی دەمی کردە ئەو باڵیۆزخانانە و وتی: “ئایا ئەرکی ئێوەیە وانە فێری تورکیا بکەن؟ خۆتان بە چی دەزانن؟”.
لەلایەکی دیکەوە وتەبێژی وەزارەتی دەرەوەی تورکیا رایگەیاند: “ئەنقەرە بەجۆرێک هەنگاوی ناوە کە پێی گونجاوبووە و لە داهاتووشدا هەروا دەکات”.
باڵیۆزخانەکان بریتیبوون لە هەریەک لە باڵیۆزخانەی ئەمریکا، کەنەدا، فەرەنسا، فینلەندا، دانیمارک، ئەڵمانیا، هۆڵەندا، نیوزیلاند، سوید کە لە راگەیەندراوێکی هاوبەشدا کە بەبۆنەی چوارەم ساڵیادی دەستگیرکردنی عوسمان کەڤالا بڵاویانکردبووەوە، داوای ئازادکردنی ئەو چالاکوانەیان کردووە.
