خوێندنی باڵا: 43 هەزار و 277 خوێندکار ناويان هاتووەتەوە

SNN

وەزارەتی خوێندنی باڵا و توێژينەوەی زانستی رايگەياند: “بۆ ئەمساڵی خوێندن 43 هەزار و 277 خوێندکار ناويان هاتووەتەوە رێژەی وەرگرتن لە 82% بووە، کاتژمێر 11 لينکی زانکۆلاين کارا دەبێت”.

وەزارەتی خوێندنی باڵا لە کۆنفرانسێکی رۆژنامەنوسيدا ئاماژەی بەوەکرد: ” پلانی وەرگرتنی خوێندکاران بۆ ئەمساڵی خوێندن 45218 خوێندکار بووە، لە دوای داکاری پێشکەشکردن 43277 خوێندکار وەرگيراوە و 4067 کورسی بە بەتاڵی ماوەتەوە”.

راشيگەياند: رێژەی وەرگرتنی خوێندکاران بۆ ئەمساڵ 82% بووە، لە 18% خوێندکاران وەرنەگيراون، لە رێژەی وەرگيراوانيش 62% لە خوێندنی زانکۆلاين ياخود خۆڕايی وەرگيراون، 21% لە پارالێڵ و 17% لە خوێندنی ئێواران وەرگيراون.

باسی لەوەشکرد: هۆکاری وەرنەگرتنی خوێندکاران بۆ ئەوە دەگەڕێتەوە کە نمرەکانيان نزمە ياخود لەگەڵ ئەو بەشە ناگونجێت کە داواکاری پێشکەشکردووە”.

ئەنجامەکان لە لينکەوە وەربگرە:

https://regayzanko.com/student/index.php