لە SNNەوە خشتەی دابەشكردنی مووچەی سبەينێ بزانە

SNN- عەلی حەمە سەعید

دابەشكردنی مووچەی مانگی تشرینی یەكەم بەردەوامە و سبەينێ مووچەی کەسوکاری شەهيدان و ئەنفالکراوان هەروەها مووچەی زيندانيانی سياسی و چەند شوێنێکی ديکە دابەشدەکرێت.

بە گوێرەی ئەو زانیارییانەی كە لەبەرپرسێكی باڵای وەزارەتی دارایی تایبەت بە SNNدراون ئەوە خراوەتە ڕوو كە سبەی دوو شەممە 1/11/2021 دابەشكردنی مووچە بەردەوامی دەبێت و دەستدەكرێت بەدابەشكردنی مووچەی كەسوكاری سەربەرزی شەهیدان و ئەنفالكراوان و هەروەها مووچەی زیندانییە سیاسییەكان.

ئاماژەی بەوەشكرد، هەر سبەی دوو شەممە مووچە هێزی زێرەڤانی و مووچەی هێزی بەرگری فریاكەوتن  و مووچەی بەڕێوەبەرایەتی دام و دەزگا نەوتییەكان دابەشدەكرێت.

ئەو بەرپرسەی وەزارەتی دارایی جەختی لەوەشكردەوە، تا كۆتایی ئەم هەفتەیە مووچەی زۆربەی وەزارەتەكان و خانەنشینانی سەربازی و مەدەنی دابەشدەكرێت و بە گەیشتنی 200 ملیار دینارەكەش پرۆسەی دابەشكردنی مووچە خێراتر دەبێت.