ئەمڕۆ ئەنجومەنی وەزیران کۆدەبێتەوە

SNN

ئەمڕۆ چوارشەممە، ئەنجومەنی وەزیرانی هەرێمی کوردستان کۆبوونەوەی هەفتانەی خۆی ئەنجامدەدات، لە کۆبوونەوەکەدا کێشەی خوێندکارانی دەرچووی پۆلی 12 و چەند پرسێکی ديکە تاوتوێدەکرێت.

لە کۆبوونەوەکەدا ئەم بابەتانەی خوارەوە دەخرێنە بەر باس و گفتوگۆ:

یەکەم: خستنەڕووی ڕەشنووسی (پەیڕەوی ئەنجومەنی باڵای گەشەپێدانی خانمان لە هەرێمی کوردستان – عێراق) بە میوانداریی ئەمینداری گشتیی ئەنجومەنی باڵای خانمان.

دووەم: خستنەڕووی بابەتی وەرگرتنی دەرچووانی ئامادەییەکان لە زانکۆ و پەیمانگاکانی هەرێمی کوردستان بۆ ساڵی خوێندنی ٢٠٢١ – ٢٠٢٢ ، و چارەسەری زیادبوونی ژمارەی دەرچووان کە تێکڕای نمرەی بەرزیان بەدەستهێناوە لە تاقیکردنەوەی وزاریی ئامادەییەکان و توانای سنوورداری زانکۆ و پایمانگاکان بۆ وەرگرتنی دەرچووان بەپێی داخوازی خۆیان.

سێیەم: خستنەڕووی بابەتی قەرەبووکردنەوەی زیانی هاووڵاتیان لە ئەنجامی لافاوی ڕۆژی ٢٠٢١/١٠/٣٠ و ڕاسپاردنی وەزارەت و لایەنە پەیوەندیدارەکان بۆ لێکۆڵینەوە لە هۆکارەکانی ڕوودانی ئەو زەرەر و زیانانە و چۆنیەتی چارەسەرکردنیان.

نووسینگەی راگەیاندنی عەلی سیستانی مەرجەعی باڵای ئایینی شیعە لە عێراق، رایگەیاند: سیستانی نابێته‌ لایەن لە هیچ گفتوگۆیەکدا له‌باره‌ی پێکهێنانی هاوپەیمانی بۆ پێکهێنانی حکوومەتی داهاتووی عێراق.

دەشڵێت “عەلی سیستانی لایەنێک نییە بۆ هیچ کۆبوونەوە، گفتوگۆ، پەیوەندیی و راوێژێک لەسەر بەستنی هاوپەیمانی سیاسیی و پێکهێنانی حکوومەتی داهاتوو”.

لە راگەیەندراوەکەدا ئاماژە بەوەشکراوە: ئەو هەواڵانەی باس لە به‌شداریكردنی مه‌رجه‌عییه‌ت بۆ پێكهێنانی حكوومه‌تی نوێ دەکات، دڵنیاییەوە هیچ بنەمایەکی نییە، ته‌نیا پڕوپاگه‌نده‌ن و لە لایەن هەندێک لایەن له‌ میدیا و تۆڕە کۆمەڵایەتییەکاندا بڵاویانده‌كه‌نه‌وه‌.