بەڕێوەبەری نەخۆشخانەیەکی منداڵان پێشنیاری راگرتنی دەوامی خوێندن دەکات
خوێندکاران لە پۆلدا
SNN
بەڕێوەبەری نەخۆشخانەی د.جەمال ئەحمەد ڕەشیدی منداڵانی فێرکاری لە سلێمانی پێشنیار دەکات دەوامی خوێندن رابگیرێت بەهۆی ئەو پەتایەی کە هەیە.
پشدەر عەبدوڵا بەڕێوەبەری نەخۆشخانەی د.جەمال ئەحمەد ڕەشیدی منداڵانی فێرکاری لە ههژماری تایبهتیی خۆی له تۆڕی كۆمهڵایهتیی فهیسبوك نوسیویهتی: “ئەمە پێشنیازی تایبەتی خۆمە ئەگەر ئەم پەتایەی کە ئێستا بڵاوە تا 10 ڕۆژی تر کەم نەکات و سووک نەبێت، لام وایە پێویستە کۆمەڵێک ڕێکار بگیرێتەبەر یەکێک لەوانە ڕاگرتنی دەوامی خوێندنگاکان بێت بۆ ماوەی 10 ڕۆژ.”
بهوتهی ئهو پزیشكه لە ماوەی چەند ڕۆژی ڕابردوودا، لە پاڵ بوونی ڕێژەیەکی زۆر لە پەتای وەرزی لەناو منداڵان، ژمارەیەکی زۆر لە منداڵان توشی نەخۆشی کۆرۆنا بوون و نەخۆشخانەی منداڵانی سلێمانی پڕ بووە.
راشیگهیاند: “لە ئێستادا ڕۆژانە ژمارەکان لە زیادبووندایە، لە ڕۆژێکدا نزیکەی 70 منداڵ سەردانی نەخۆشخانەکەیان کردووە، بەڵام ئەوەی جێگەی خۆشحاڵییە بۆ منداڵان ئەوەیە کە وەڵامی باشیان هەیە بۆ چارەسەر.”
وتیشی، “بە بەردەوامی 150 بۆ 175 منداڵ لە نەخۆشخانەکەدا هەیە.”
