تەندروستی جيهانی: لە 9% دانيشتوانی عێراق ڤاکسينيان وەرگرتووە
SNN
رێکخراوی تەندورستیی جیھانیی رایگەیاند: لە %9 دانیشتوانی عێراق ڤاکسینی کۆرۆنایان وەرگرتووە.
ئاژانسی ھەواڵیی فەرمیی عێراق بڵاوی کردەوە: رێکخراوی تەندروستیی جیھانیی لە راگەیەندراوێکدا ئاماژەی بەوەداوە کە تا ئێستا نۆ لەسەدای دانیشتوانی عێراق ڤاکسینی کۆرۆنایان وەرگرتووە.
ئەوەش خراوەتەڕوو: پێویستە لایەنە پەیوەندیدارەکان لە عێراق ھەوڵی زیاتر بدەن بۆ ئەوەی زۆرترین کەس لەو وڵاتە، ڤاکسینی کۆرۆنا وەربگرن.
بەپێی ئامارەکانی وەزارەتی تەندروستیی عێراق: ژمارەی ئەو کەسانەی کە تا ئێستا لە عێراق دۆزی یەکەم و دووەمی ڤاکسینی کۆرۆنایان وەرگرتووە، گەیشتووەتە شەش ملیۆن و 290ھەزار و 649 کەس.
