نوێترین زانیاری لە بارەی دابەشکردنی مووچەی ئەم مانگە

عەلی حەمەسەعید-SNN

بەرپرسێکی باڵا لە وەزارەتی دارایی و ئابوری حکومەتی هەرێم ئاماژە بەوەدەکات: دابەشکردنی موچەی ئەم مانگە لە 25 ی مانگ دەستپێدەکات و حکومەتی عێراقیش ئامادەیی دەبربڕیوە بۆ ناردنی 200 ملیارەکە دابەشکردنی مووچەی ئەم مانگەش بەخێرایی دەبێت.

بەگوێرەی ئەو زانیارییانەی لە بەرپرسێکی باڵای وەزارەتی دارایی بە SNNدراون ئەوەخراوەتەڕوو: دابەشکردنی مووچەی ئەم مانگە لەکاتی خۆیدا و لە 25 ی مانگ بەبێ لێبڕین دەبێت و بە بەراورد بە مانگی پێشووش دابەشکردنی مووچە بەشێوەیەکی خێراتر بەڕێوەدەچێت.

ئاماژەی بەوەشکرد: سەرۆکوەزیرانی عێراق دڵنیایی داوەتە حکومەتی هەرێم کە لەوادەی خۆیدا وەزارەتی دارایی عێراق 200 ملیار دینارەکە دەنێرێت و هیچ گرفتێک لە ناردنی ئەو بڕە پارەیە نییە.

ئەو بەرپرسەی وەزارەتی دارایی ئەوەشی خستەڕوو: بەهۆی ئەوەی کۆکردنەوەی داهات و هەروەها بڕی داهاتیش زیادیکردووە و حکومەتی عێراقیش لەکاتی خۆیدا 200 ملیاردینارەکە دەنێرێت،  بۆیە دابەشکردنی مووچە بە خێرایی بەڕێوەدەچێت.