حکومەتی عێراق وردەکاری هەوڵی تیرۆرکردنی كازمی ئاشکرا دەکات
هێرشەکەی سەر ماڵی کازمی
SNN
سەرچاوەیەکی ئه‌منی له به‌غدا رایگه‌یاند، ئه‌مڕۆ یه‌كشه‌ممه وردەکاری هەوڵی تیرۆرکردنی مسته‌فا كازمی، سه‌رۆكوه‌زیرانی عێراق ئاشکرا ده‌كرێت، ده‌شڵێت، “دو فەرماندەی ئەمنی به‌هۆی پەیوەندی بە هەوڵی تیرۆرکردنی کازمی ده‌ستبه‌سه‌ركراون”.
سەرچاوەیەکی ئه‌منی له به‌غدا به رووسیا توده‌ی راگه‌یاندووه، “رۆژی یه‌كشه‌ممه حكومه‌تی عێراق چەند وردەکارییەک لەسه‌ر هەوڵی تیرۆرکردنی مستەفا کازمی، سەرۆک وەزیران ئاشکرادەکات و هه‌ڵوێست و بڕیاری نوێی حكومه‌ت له‌وباره‌یه‌وه راده‌گه‌یه‌نرێت”.
ئاماژه‌ی به‌وه‌شكردووه، دوو فه‌رمانده‌ی ئه‌منی له په‌یوه‌ندی بە هەوڵی تیرۆرکردنی كازمی دەستبەسه‌ركراون و لێكۆڵینه‌وه‌یان له‌گه‌ڵدا ده‌كرێت، پێشتریش سێ كه‌سی دیكه له‌سه‌ر هێرشه‌كه ده‌ستگیركرابون.
7ی ئەم مانگە، لە کاتێکی درەنگانی شەودا ماڵەکەی مستەفا کازمی لە رێگەی سێ درۆنەوە کرایە ئامانج، و هەوڵەکە بۆ تیرۆرکردنی کازمی بوو، بەڵام بە چەند بریندارییەکی سوک توانی رزگاریبێت.
