“هێرشەکەی داعش پێشبینیکراو بوو”
داعش
SNN
جێگری به‌رپرسی میحوه‌ری گه‌رمه‌سێری هێزی پێشمه‌رگه باس لەوەدەکات کە ئامۆزایەکی ئەبوبەکر بەغدادی سەرۆکی پێشووی رێکخراوی داعش، لەو ناوچەیەدا بینراوە کە چەکدارەکانی داعش شەوی رابردوو هێرشیان کردەسەر هێزەکانی پێشمەرگە.
رەحیم گەرمیانی جێگری به‌رپرسی میحوه‌ری گه‌رمه‌سێری هێزی پێشمه‌رگه لە لێدوانێکی رۆژنامەوانیدا رایگەیاند: “چه‌ند ڕۆژی ڕابردوو زانیاریمان پێ گه‌یشت كه ئامۆزای ئەبوبەکر به‌غدادی له‌و ناوچانه بووه كه هێرش كرایه سه‌ر پێشمه‌رگه و ئاگاداری پلانێكی له‌و شێوه‌یه بووین.”
وتیشی: ”له كاتی هاتنی ئه‌و ئامۆزایەی ئەبوبەکر به‌غدادیدا بۆ سنوری ئه‌و ناوچانه‌ی كوردستان و عێراق، پیشبینی كرابوو كه داعش هێرش ده‌كات.”
هەر لەبارەی هێرشەکەی شەوی رابردووی چەکدارانی داعش بۆ سەر میحوەری گەرمەسێری پێشمەرگە، مەحمود سەنگاوی فەرماندەی میحوەری گەرمەسێری هێزەکانی پێشمەرگە رایگەیاند:”ئیهمالی خۆمان بوو لەم هێرشەی داعشدا کە پێنج پێشمەرگە شەهید بوون”، دەشڵێت: “داعش لە پاڵ سوپای عێراقەوە هێرش دەکاتە سەرمان.”
ماوه‌یه‌كه هێرش و پەلامارەکانی داعش زیادیکردووە، تا ئێستا له ماوه‌ی دوو مانگدا پێنج جار په‌لاماری هێزی پێشمه‌رگه‌ی لە سنوورە جیاوازەکان داوه و سه‌رئه‌نجام چه‌ند پێشمه‌رگه‌ش شه‌هید بوون.
