بەرھەم ساڵح و قوباد تاڵەبانی لە بەغداد كۆبوونە‌وە
بەرهەم ساڵح و قوباد تاڵەبانی
SNN
د. بەرھەم ساڵح، سەرۆککۆماری عێراق ئەمڕۆ یەکشەممە، 12ی کانوونی یەکەمی 2021، لە کۆشکی بەغداد پێشوازیکرد لە قوباد تاڵەبانی، جێگری سەرۆکی حکومەتی هەرێمی کوردستان.
لە دیدارەکەدا گفتوگۆکرا لەبارەی پێشهات و گۆرانکارییە سیاسی و ئەمنییەکانی وڵات و جەختکرایەوە لەگرنگی ھاوکاری و هەماهەنگی ئەمنی و سەربازی لە پێناو پڕکردنەوەی بۆشاییە ئەمنییەکان و ریشەکێشکردنی تیرۆر و پاراستنی ئاسایش و ئارامی ھاووڵاتییان، ھەروەھا دووپاتکرایەوە لە پێویستی دیالۆگ و گفتوگۆ و چارەسەرکردنی دۆسێ ھەڵپەسێردراوەکان بە ئاڕاستەی ھێنانەئاراوەی داوا رەواکانی خەڵک.
