وادەی دابەشکردنی مووچەی لیوا هاوبەشەکان راگەیەنرا

SNN- عەلی حەمە سەعید

بڕیارە دەست بە دابەشکردنی مووچەی مانگی تشرینی دووەمی لیوا هاوبەشەکانی پێشمەرگە بکرێت.

بەپێی ئەو زانیاریانەی SNN لە وەزارەتی داراییەوە دەستیکەوتووە، رۆژی سێ شەممە 14-12-2021 مووچەی لیوا هاوبەشەکانی پێشمەرگە دابەش دەکرێت.

پارەی ئەو مووچەیە لە لایەن ئەمریکا و هاوپەیمانانەوە دابیندەکرێت، ئەمەش لە چوارچێوەی هاوکارییەکانی ئەو لایەنانە بۆ هێزی پێشمەرگە لە شەڕی دژ بە داعش.