بڵاوبوونەوەی ئۆميکرۆن نرخی نەوتی دابەزاندووە

SNN

بەپێی هەواڵی ئاژانسە ئابوورييەکان: به‌یانى ئه‌مڕۆ سێشەممە، نرخى يەک بەرميل نەوت بۆ  74.55دۆلار دابەزيوە، شارەزايانی ئابوريش هۆکاری دابەزينەکە بۆ بڵاوبوونەوەی ڤايرۆسی ئۆميکرۆن دەگەڕێننەوە.

هاوكات، نرخى یه‌ك به‌رمیل نه‌وتى ئه‌مریكی به‌  71.39دۆلار مامه‌ڵه‌ى پێوه‌كرا.

شارەزايانی ئابووری پێيانوايە: هۆكارى دابه‌زینى نرخى نه‌وت به‌هۆی سەرهەڵدانی شەپۆلی چوارەمی ڤایرۆسی کۆرۆنا و جۆری ئۆميکرۆنە لە وڵاتانی ئەوروپا کە بووەتەهۆی کەمبوونەوەی خواست لەسەر نەوت.

سەرەڕای ئەوەش رێکخراوی ئۆپێک پڵەس رایگەیاندووە لە چارەکی یەکەمی ئەمساڵدا خواست بۆ بەکارهێنانی نەوت بەهێزە و کاریگەرییەکانی ڤایرۆسی کۆرۆنا لەسەر بازاڕی نەوت سنووردارە.