بەبڕیاری قوباد تاڵەبانی، رێگەنادرێت هیچ ژنێک بێ ناو بەخاک بسپێردرێت
قوباد تاڵه‌بانى، جێگرى سه‌رۆكى حكومه‌تى هه‌رێم | فۆتۆ: SNN
SNN
بەرپرسی بەشی جێندەر لەنووسینگەی قوباد تاڵەبانی رايگەياند: “قوباد تاڵەبانی لايەنەپەيوەنديدارەکانی راسپاردووە بەدواداچوون بۆ بکرێت بۆ دۆزينەوەی تەرمی ئەو ژنەی دوێنێ لە سلێمانی کوژرا”.
ئاشتی عەبدوڵڵا بەرپرسی بەشی جێندەر لەنووسینگەی قوباد تاڵەبانی جێگری سەرۆک وەزیران لە راگەيەندراوێکدا بڵاويکردەوە:قوباد تاڵەبانی، لایەنە پەیوەندیدارەکانی راسپارد کەتەرمی ئەو ژنەی دوێنێ دووشەمە، لەسلێمانی دۆزراوەتەوە، بەبێ ناونیشان نەنێژرێت و بەدواداچوون بکرێت بۆ دۆزینەوەی ناسنامەکەی و لەهەمان کاتدا بکوژانی بدۆزرێنەوە.
دوێنێ، تەرمی ژنێک لە گەڕەکی زانکۆ لە شاری سلێمانی دۆزرايەوە و ئاسەواری فيشەک بە جەستەيەوە بو، بۆ پزيشکی دادی سلێمانی گواسترايەوە، تا ئێستا ناسنامەی بکوژەکە و هۆکاری کوشتنەکەی ئاشکرانەکراوە.
