سبەی بەفر و باران دەبارێت

SNN

بەگوێرەی پێشبینییەکانی کەشوهەوا کە بەڕێوەبەرایەتی کەشناسی و بومەلەرزەزانی هەرێم بڵاویکردووەتەوە، سبەی لە شوێنە جیاوازەکانی هەرێم بەفر و باران دەبارێت.

بەڕێوەبەرایەتی کەشناسی و بومەلەرزەی ھەرێم رایگەیاندووە، سبەی هەینی لە ناوچە شاخاوییەکانی هەرێم بەفر دەبارێت و لە ناو سەنتەری شارەکان ئاسمان باراناوی دەبێت و هەندێک کات بارانەکە بە لێزمەش دەبێت.

ئاماژەی بەوەشکردووە: سبەی ئاسمانی شارەکانی هەرێم هەور و باراناوی دەبێت و هەندێک کات دەبێتە لێزمە باران. هەروەها بەپێی پێشبینییەکان لە ناوچە شاخاوییە سنورییەکان بەفر دەبارێت.

بەگوێرەی راگەیەنراوەکە، خێرایی با لە هەریەک لە شارەکانی کەرکوک و هەولێر زیاد دەکات، دەشڵێت، لە کاتێکدا لە پارێزگای سلێمانی و هەڵەبجە لە نێوان پێنج بۆ 15 کیلۆمەتردا دەبێت و لە دهۆکیش لە نێوان پێنج بۆ 10 کیلۆمەتر لە کاتژمێرێکدا دەبێت.