بەهۆی گەندەڵییەوە 18 ساڵە نەتوانراوە نەخۆشخانەیەکی شێرپەنجە لە بەسرە تەواوبکرێت
SNN
میدیای ئەمریکا رەخنە لە گەندەڵییەکانی سیستمی تەندروستی لە عێراق دەگرێت کە نەتوانراوە دوای 18 ساڵ نەخۆشخانەیەکی تایبەت بە شێرپەنجەی منداڵان لە بەسرە تەواوبکرێت.
رۆژنامەی واشنتن پۆستی ئەمریکی ئەو گەندەڵیەی ئاشکراکردووە و باس لەوەدەکات کە دوای ئەوەی حکومەتی ئەمریکا سەد ملیۆن دۆلاری بۆ نەخۆشخانەکە تەرخانکردبوو، بەڵام لە ئێستادا پارەکە دیارنەماوە و تاڵانکراوە.
نەخۆشخانەکە لە دوای ساڵی 2003ەوە بڕیار لە دروستکردنی دراوە و لۆرا بوش خانمی یەکەمی ئەو کاتەی ئەمریکا گرنگییەکی تایبەتی بەم پرۆژەیە دابوو بەمەبەستی ئەوەی نەخۆشخانەیەک دروستبکرێت کە لە ئاستی نەخۆشخانەکانی جیهاندا بێت بۆ چارەسەرکردنی شێرپەنجە.
بەڵام بەهۆی گەندەڵییەوە تا ئێستا نەخۆشخانەکە تەواو نەبووە و بانکی جیهانی بە یەکێک لە خراپترین نمونەکانی سیستمی تەندروستی لە ناوچەکەدا وەسفی دەکات.
