لە دیالە داعش هێرشی کردەسەر ژمارەیەک پۆلیس

SNN

بەگوێرەی سەرچاوە ئەمنییەکان، چەکدارانی داعش لە سنووری پارێزگای دیالە هێرشیانکردووەتەسەر خاڵێکی پشکنینی هێزەکانی پۆلیس.

بەگوێرەی ئەو سەرچاوە ئەمنییە کە قسەی بۆ میدیاکانی عێراق کردووە، ئێوارەی ئەمڕۆ چەکدارانی داعش هێرشیانکردووەتەسەر خاڵێکی پشکنین لە رۆژهەڵاتی قەزای مەقدادیە کە 40 کیلۆمەتر لە باکووری رۆژهەڵاتی بەعقوبەوە دوورە.

بەهۆی هێرشەکەوە دوو پۆلیسی عێراقی برینداربوون.

لە ئێستادا بارودۆخەکە لەلایەن هێزە ئەمنییەکانەوە بە تەواوی کۆنتڕۆڵکراوە.

چەکدارانی داعش جار بە جار هێرشدەکەنەسەر هێزە ئەمنییەکانی عێراق و پێشمەرگە و هاووڵاتی مەدەنی، هێرشەکان زیانی گیانیان هەبووە.