پاش نوقمبوونی بەلەمەکەیان 70 کۆچبەر ڕزگاردەکرێت، کوردیشی تێدایە

SNN

رەنج پشدەر چالاکوانی بواری کۆچ و کۆچبەران، لە لێدوانێکی میدیایدا رایگەیاند، بەلەمێکی نایاسای کە 70 کۆچبەری هەڵگرتبوو لە کەناراوەکانی نزیک لە یۆنان نوقم دەبێت، بەڵام پۆلیس بەهانایانەوە دەچێت و رزگارین دەکات کە بەشێکی زۆریان کوردن.

پشدەر ئاماژە بەوەدەکات: ئەو بەلەمە کە 70 سەرنشینی هەڵگرتبوو 60یان کوردبوون، شەوی رابردوو پەیوەندیان پێوەکردم و باسیان لەوە دەکرد کە بەلەمەکەیان خەریکە ژێرئاو دەکەوێت، بۆیە دەبێت بەزووترین کات بەهانامانەوە بێن.

وتیشی” دوای ئەم رووداوە پۆلسی یۆنان ئاگادارکرایەوە و توانیان بەهانای ئەو کۆچبەرانەوە بڕۆن و لە مردن رزگاریان بکەن، بەڵام ئەوەی شایەنی باسە تا ئێستا پۆلیسی یۆنانی ئاماژەی بەوە نەداوە کە ئایا سەرجەم کۆچبەرەکانی لە خنکان رزگارکردووە یاخود نا”.