ساڵی رابردوو 26 هەزار تەن گۆشت لە سلێمانی خوراوە

SNN

لێپرسراوی هۆبەی کوشتارگەی هاوچەرخی سلێمانی رايگەياند: لە ساڵی 2021 بڕی 26 هەزار تەن گۆشتی تەندروست ڕەوانەیی بازاڕەکانی شاری سلێمانی کراوە کەلەڕووی تەندروستی و بەهایی خۆراکی شیاو بوون بۆ بەکارهێنان.

د.شاڵاو عارف ڕەشید ، لێپرسراوی هۆبەی کوشتارگەی هاوچەرخی سلێمانی  بە SNNی راگەياند: لەماوەی یەک ساڵی کارکردنی ستافی پزیشکی کوشتارگە لەژێر چاودێری و ڕێنمایی بەڕێوبەرایەتی ڤێتێرنەری سلێمانی ، بڕی 26  هەزار تۆن گۆشتی تەندروست ڕەوانەیی بازاڕەکانی شاری سلێمانی کراوە کەلەڕووی تەندروستی و بەهایی خۆراکی شیاو بوون بۆ بەکارهێنان و بەسەرجەم هەنگاوەکانی بەرهەمهێناندا تێپەڕیوون کەلەڕووی پێوەرەکانەوە ستاندەر بوون.

راشيگەياند: بڕی 86  تۆن و 800  کیلۆ گۆشت لەلایەن ستافی پزیشکیەوە دیاری کراون کەلە ڕووی تەندروستی و بەهای خۆراکیەوە شیاو نەبوون بۆ بەکارهێنان و بەڕێگەیی زانستی لەناوبراون.

ئاماژەی بەوەشکرد: بەهەزاران ئۆرگانی لاشەیی ئاژەڵی نەشیاویش لەناوبراوە ، سەروو 600 ئاژەڵی زیندووش ڕێگەیی پێ نەدراوە کوشتاری بۆ بکرێت کەهەڵگری نەخۆشی بوون و نێردراونەتەوە بۆ چارەسەر ، 7  توێژینەوەی زانستیش بەهاوبەشی لەبارەیی نەخۆشیە مرۆژەڵیەکان ئەنجامدراوە کەلەڕووی زانستیەوە گرنگن بۆ ڕووبەڕوبونەوە و کۆکردنەوەی زانیاریڴ لەبارەیانەوە.