نزیکەی 150 هەزار گەشتیار لە پشووەکانی سەری ساڵ هاتوونەتە هەرێم

SNN

دەستەی گەشتوگوزاری هەرێم ئەمڕۆ یەکشەممە رایگەیاند: 146898، گەشتیار لەماوەی یەک هەفتەدا سەردانی شارەکانی هەرێمانیان کردووە بۆ بەسەربردنی پشووەکانی سەری ساڵ.

دەستەی گەشتوگوزار لە راگەیەندراوێکدا ئاماژەی بەوەشکردووە: هەولێر پێشوازی لە 76550 گەشتیار کردووە، سلێمانی 31614 و دهۆک 38734 گەشتیار، ئەمە جگە لە شارۆچکە و قەزا قەشتیارییەکان و ئیدارە سەربەخۆکان، هەورەها لە سەرەتای ساڵی 2021وە تا کۆتا مانگی 4 ملیۆن و 93 هەزار گەشتیار روویان لە هەرێم کردووە، کە بەشێکی زۆریان خەڵکی ناوەراست و باشووری عێراق و بەشێکی تریشیان خەڵکی ئێرانن.

لەکۆتایشدا ئاماژە بەوەدەکات، بەهۆی ئەوەی کە لە کاتی ئێستادا بەفرێکی زۆر لە ناوچە شاخاوییە گەشتیارییەکانی هەرێم باریوە چاوەڕوانی گەشتیاری زستانە دەکرێت کە دووبارە لە باشوور و ناوەڕاستی عێراقەوە بێنە هەرێم.