دواين زانياری لەسەر بەفر بارينی ئەمڕۆ
دیمه‌نێكى به‌فر بارین له شارى سلێمانى | تۆڕه كۆمه‌ڵایه‌تییه‌كان
SNN
کەشناسی هه‌رێم رایگه‌یاند: ئەمڕۆ شەپۆلێکی باران و بەفر و سەرما روو لە هەرێم دەکات بۆ ماوەی هەفتەیەک بەردوام دەبێت، دەشڵێت “لە ناوەڕاستی هەفتەدا پلەکانی گەرما بۆ 12 پلە ژێر سفر دادەبەزێت”.
بژار ئەکرەم لێپرسراوی پێشبینییەکان لە بەڕێوبەرایەتی کەشناسی بومەلەرزەزانی هەرێم لە لێدوانێکی ميديايدا رایگەیاند: کاریگەریی ئەو پاڵە پەستۆیانەی رووی لە ناوچەکانی هەرێم کردووە بەردەوام دەبێت، بارانی بەخوڕ و بەفریش لەناو ناوەندی شارەکانی دهۆک و سلێمانی و هەولێر دەبارێت.
ئاماژەی بەوەشکرد: لە ناوەڕاستی ئەم هەفتەيەدا بارستە هەوایەکی سارد روو لەناوچەکە دەکات و پلەکانی گەرما بۆ 12 پلەى ژێر سفر دادەبەزێت.
لەبارەی ڕێژەی بارانبارین لە ناوچەکانی هەرێمی کوردستان ئاماژەی بەوەکرد: لە پارێزگای سلێمانی 191 ملم، لە هەولێر 127ملم، لە دهۆک 76ملم ، لە هەڵەبجە 217ملم باران باریووە.
