تەڵەبات دەنگۆیەک لەبارەی هەڵکوتانەسەر کۆمپانیاکە رەتدەکاتەوە

SNN

بەڕێوەبەری لقی کۆمپانیای تەڵەبات لە سلێمانی لە روونکردنەوەیەکیدا کە ئاڕاستەی بەڕێوەبەرایەتی پۆلیس و بەڕێوەبەرایەتی ئاسایشی سلێمانی کردووە، دەنگۆیەک لەبارەی هەڵکوتانەسەر کۆمپانیایکە لەلایەن چەند کەسێکی حزبی و ئەمنییەوە رەتدەکاتەوە.

لە روونکردنەوەکەدا کۆمپانیاکە رایگەیاندووە: “ئێمە وەک کۆمپانیای تەڵەبات لە سلێمانی رایدەگەیەنین لە دوای بڵاوبوونەوەی هەواڵێک لە سۆشیال میدیا تایبەت بە کۆمپانیایکەمان کەوا ژمارەیەک بەرپرسی حزبی و ئەمنی سلێمانی هاتوونەتە سەر کۆمپانیاکەمان و هەڕەشەیان لێکردووین، داوایان کردووە مانگانە لەو پارەیەی کۆمپانیا دەستی دەکەوێت شەریکیان بکەین ئەگەرنا کێشەمان بۆ دروست دەکەن. دەمانەوێت رایبگەیەنین ئەم بابەتە سەرلەبەری دوورە لە راستییەوە.

بەڕێوەبەری لقی سلێمانی کۆمپانیاکە وتوشیەتی: بە پێچەوانەوە برایانی ئاسایش و پۆلیسی سلێمانی هاوکارمان بوون و کاری خۆیان جێبەجێ کردووە و ئێمە رێکاری یاساییمان گرتووەبەرە دژی ئەو لایەنانەی کە ئەم هەواڵە ناڕاستەی بڵاوکردووەتەوە.