نەوەی نوێ: بە مەرج کانديدەکەمان بۆ پۆستی سەرۆککۆمار دەکشێنينەوە

SNN

شاسوار عەبدولواحيد سەرۆکی جوڵانەوەی نەوەی نوێ لە کۆنفرانسێکی رۆژنامەنوسيدا رايگەياند: ئەگەر بێت و هەر لایەنێک لە یەکێتی و پارتی پڕۆژە یاساکەمان جێبەجێ بکەن ئامادەین کاندیدی خۆمان بکشێنینەوە و دەنگ بدەین بە کاندیدەکەی ئەوان.

ئاماژەی بەوەشکرد، نەوەی نوێ ئامادەیە هەموو دەنگ و کورسییەکان بدات بە هەر لایەنێکی دەسەڵات ئەگەر بێت و مەرجەکانی نەوی نوێ جێبەجێ بکات کە داواکاریی هاوڵاتییانی هەرێمن.

مەرجەکانی نەوەی نوێ ئەمانەن:

یەکەم: دەستبەجێ هەرزانکردن و ئاساییکردنەوەی نرخی غاز و نەوت و بەنزین و پێداویستییەکانی هاوڵاتییان، وتیشی، “دەبێت پێش هەڵبژاردنی سەرۆککۆمار جێبەجێ بکرێن.”

دووەم: لابردنی باج و گشت رسوماتە حکومییەکان و رسوماتی کۆمپانیاکان لەسەر دوکاندار و هاوڵاتییان.

سێیەم: ئەنجامدانی هەڵبژاردنەکانی هەرێم لە کاتی خۆیدا و پێکهێنانی کۆمسیۆنێکی بێلایەن.

چوارەم: کردنەوەى کارتى بانکى بۆ فەرمانبەران و دەستپێکردنەوەى پلەبەرزکردنەوەى فەرمانبەران یەکێکە لە مەرجەکانمان

پێنجەم: رەخساندنى هەلى کار بۆ دەرچووە دانەمەزراوەکان.

شەشەم: گەڕانەوەی موچە پاشەکەوتکراوەکان.

حەوتەم: هاوتاکردنى موچەى پێشمەرگە و خانەنشینان لەگەڵ عێراق کە پێویستە لەناو بەرنامەی کاری حکومەتی عێراقدا جێگیر بکرێت.