نرخی نەوت زياتر بەرزبووە و 91 دۆلاری تێپەڕاند

SNN

ئەمڕۆ دووشەممە، نرخی نەوت خاوی برێنت بەرزبوونەوەی بەخۆوە بينی، يەک بەرميل بە 91 دۆلار و 10 سەنت مامەڵەی پێوەدەکرێت.

بەپێی هەواڵی ئاژانسە ئابوورييەکان: نرخی نەوت بەردەوامە لە بەرزبوونەوە و بەراورد بە دوێنێ نرخەکە يەک دۆلار بەرزبووەتەوە، نەوتی برێنت 91 دۆلاری تێپەڕاندووە و نەوتی خاوی ئەمريکيش بە 87 دۆلار و 80 سەنت مامەڵەی پێوەدەکرێت.

بەپێی بۆچوونی شارەزايانی ئابووری: هۆکاری بەرزبوونەوەی نرخی نەوت هەڵکشانی گرژييەکانی نێوان روسيا و ئۆکرانيايە، ئەوەش بەتايبەت دوای ئەوەی جۆ بايدن هەرەشەی لە روسيا کرد بەوەی ئەگەر بێت و جموجۆڵەکانی لە سنووری ئۆکرانيا نەوەستێنێت سزای ئابووری بەسەر مۆسکۆدا دەسەپێنێت.

لە بەرامبەردا، سەرکردەکانی رۆژئاوا ئامادەکاری سەربازی چریان کردووە و پلانیان بۆ پاراستنی ئەوروپا لە قەیرانی وزە هەیە.