بەڕيتانيا هەڵوێستی خۆی لەبارەی داگيرکردنی ئۆکرانيا راگەياند

ئاماژەی بەوەشکرد: لە ئێستادا حکومەت تەنیا دەتوانێت سزا بەسەر ئەوانەدا بسەپێنێت کە راستەوخۆ پەیوەندیان بە چالاکییەکانی روسیاوە هەیە لە ئۆکرانیا.

لەبارەی ئەو پرسەوە: دیمتری بۆلیانسکی نوێنەری ھەمیشەیی روسیا لە نەتەوەیەکگرتوەکان رایگەیاند: دۆسیەی ئۆکرانیا ھێندەی ئەمریکا و رۆژئاواى خستوەتە بارودۆخێکی ھەستیارەوە ھێندە بۆ روسیا و ئۆکرانیا جێگەی بایەخ نییە.

لەلایەکی دیکەوە، بڕیارە رۆژی سێشەممە بۆریس جۆنسن سەرۆکوەزیرانی بەریتانیا سەردانی کیێڤی پایتەختی ئۆکرانیا بکات و لەگەڵ ڤۆلۆدیمێر زیلینسکی سەرۆکی ئەو وڵاتە کۆببێتەوە.

ئەوەش لەکاتێکدایە، روسیا لە ئێستادا نزیکەی 100 هەزار سەرباز و تانک و تۆپ و مووشەکی لە نزیک سنوورەکانی ئۆکرانیا داناوە، وڵاتانى رۆژئاواش دەڵێن، “روسیا مەبەستى داگیرکردنی نزیکی ئۆکرانیایە”، بەڵام مۆسکۆ رەتیدەکاتەوە کە پلانی داگیرکردنی ئەو وڵاتەى هەبێت.