ئەنجومەنی پارێزگای سلێمانی کۆدەبێتەوە

SNN

ئەنجومەنی پارێزگای سلێمانی سەبارەت بە پڕۆژەکانی سنووری گەرمیان و ئیدارەی راپەڕین کۆدەبێتەوە.

بڕیارە رۆژی یەک شەممەی داھاتوو ئەنجومەنی پارێزگای سلێمانی بۆ بە دەنگدان لەسەر پەسەندکردنی بودجەی پڕۆژەکانی سنووری ئیدارەی راپەڕین کۆببێتەوە کە بڕی 20 ملیار و 730 ملیۆن دینارە.

تەوەری دووەمی کۆبوونەوەکەی ئەنجومەنی پارێزگای سلێمانی تایبەتە بە دەنگدان لەسەر پەسەندکردنی بودجەی پڕۆژەکانی سنوری ئیدارەی گەرمیان بە قەزا و ناحیەکانیەوە، کە بڕی 15 ملیار و 180 ملیۆن دینارە لەسەر بودجەی پەرەپێدانی پارێزگاکانی ھەرێم بۆ ساڵی 2022.