بەغدا بڕیار لەسەرناردنی 200 ملیار دیناركە دەدات

SNN-عەلی حەمە سەعید
بەرپرسێكی باڵا لە وەزارەتی دارایی حكومەتی هەرێم ئاشكرایدەكات، كە لە كۆبوونەوەی ئەنجومەنی وەزیرانی عێراق لە هەفتەی داهاتوو بڕیار لەسەر دووبارە ناردنی بڕی 200 ملیار دینار بۆ هەرێمی كوردستان دەدرێت، چونكە تائێستا هیچ نوسراوێكمان لەلایەن بەغداوە بەدەستنەگەیشتووە بە ڕاگرتنی ئەو بڕە پارەیە.

بەگوێرەی ئەو زانیارییانەی كە لە بەرپرسێكی بالای لەوەزارەتی دارایی بە SNNدراون ئەوەخراوەتەڕوو، لەسەر ئاستی باڵا لەلایەن حكومەتی هەرێمەوە پەیوەندی بە حكومەتی عێراقییەوە كراوە و داوای ڕوونكردەوە كراوە لەبارەی هۆكاری نەناردنی 200 ملیار دینارەكە بۆ هەرێم، لە وەڵامدا بەرپرسانی پەیوەندیدار بەناردنی ئەو برە پارەیە لە ئەمیندارێتی ئەنجومەنی وەزیران و وەزارەتی دارایی عێراق ئەوەیان ڕاگەیاندووە كە لەهەفتەی داهاتوودا لە كۆبوونەوەی ئەنجومەنی وەزیرانی عێراق بڕیار لەسەر ناردنی ئەو بڕە پارەیە دەدرێت بۆ هەرێم.

ئاماژەی بەوەشكرد، تا ئێستا لەلایەن حكومەتی عێراقییەوە هیچ نوسراوێكمان بەدەست نەگەیشتووە لەبارەی ڕاگرتنی ئەو 200 ملیار دینارە، بەڵكووئەوەشی كە نێردراوە بە شێوەی سولفە بووە و ناچێتە چوارچێوەی بودجەی گشتی عێراق كە پشكی هەرێم لەو بودجەیەدا دیاریكراوە.

لە رۆژانی رابردوودا فارس عیسا نوێنەری حکومەتی هەرێم لە بەغدا رایگەیاندبوو: لە رۆژانی داهاتوودا حکومەتی فیدڕاڵ 200 ملیار دینارەکە رەوانە دەکات.