خشتەی دابەشكردنی مووچەی سبەی و دووسبەی راگەيەندرا

SNN-عەلی حەمە سەعید

بەرپرسێكی باڵا لە وەزارەتی دارایی و ئابوری حكومەتی هەرێم ئاماژە بەوەدەكات سبەی دوو شەممە دابەشكردنی مووچەی بەردەوامی دەبێت و مووچەی یەكەكانی 70 و 80ی هێزەكانی پێشمەرگە دابەشدەكرێت و ڕۆژی سێشەممەش مووچەی وەزارەتی دارایی و ئابووری خەرجدەكرێت.

بەگوێرەی ئەو زانیارییانەی كە لەبەرپرسێكی باڵای لە وەزارەتی دارایی و ئابووری حكومەتی هەرێم بە  SNNدراون ئەوە خراوەتەڕوو: سبەی دووشەممە 14/3/2022 مووچەی یەكەكانی 70 و 80ی سەر بە هێزەكانی پێشمەرگە بۆمانگی شوبات دابەشدەكرێت.

ئاماژەی بەوەشكرد:  رۆژی سێشەممە 15/3/2022 مووچەی وەزارەتی دارایی و ئابووری بۆ مانگی شوبات دابەشدەكرێت.

ئەو بەرپرسەی وەزارەتی دارایی جەختی لەوەشكردەوە: وەزارەتی دارایی هەوڵەكانی چڕكردووەتەوە تا پێش جەژنی نەورۆز ئەگەر نەتوانێت مووچەی سەرجەم وەزارەتەكان دابەشبكات، ئەوا بەلایەنی كەم مووچەی زۆربەی وەزارەتەكان و دەستەكان دابەشبكات.