هەپەگە ” لە هێرشەکەی شەوی رابردووی تورکیا هەشت سەربازمان کوشت”
SNN
ئەمڕۆ دووشەممە، هێزەکانی پاراستنی گەل (هەپەگە) باڵی سەربازی پەکەکە لەبارەی هێرشەکانی سوپای تورکیاوە راگەیەنراوێکی بڵاوکردەوە و تیایدا هاتووە، تورکیا دەیەوێت لەرێگەی هێلیکۆپتەرەوە سەربازەکانی لە زاپ جێگیربکات و فڕۆکەش بە ئاسمانی ناوچەکاندا دەسوڕێتەوە و هێرشی چریان بۆ سەر ناوچەکان دەستپێکردووە، لە ئەنجامی رووبەڕووبوونەوەکانی شەوی رابردوودا، لە ناوچەی زاپ هەشت سەربازی سوپای تورکیایان کوشتووە.
لە راگەیەندراوی هەپەگەدا ئاماژە بەوەشکراوە، سوپای تورکیا شەوی رابردوو بە فڕۆکە و هێلیکۆپتەری جەنگی بە چڕیی ناوچەکەی بۆردوومان کردووە و هەوڵیداوە سەربازەکانی لە ئەشکەوتی برینداران لە ناوچەی زاپ داببەزێنێت، بەڵام هێزەکانیان رووبەڕوویان بوونەتەوە.
خولوسی ئاکار وەزیری بەرگری تورکیا چەند کاتژمێررێک بەر لە ئێستا رایگەیاند، سوپای وڵاتەکەی لە رێگەی وشکایی و ئاسمانییەوە ئۆپەراسیۆنی “کلیل چنگ”-ی بۆ سەر ئامانجەکانی لە ناوچەکانی مەتینا، زاپ و ئاڤەشین-باسیان لە هەرێم دەستیپێکردووە لە دەڤەری بادینان
