نزیکەی پێنج ملیار دینار بۆ رووبەڕووبوونەوەی وشکەساڵی هەولێر تەرخانکرا

SNN

له‌ ڕاگه‌یه‌ندراوێكدا وه‌زاره‌تی شاره‌وانی و گه‌شتوگوزار بڵاویكرده‌وه‌، له‌سه‌ر بودجه‌ی ئاسایی وه‌زاره‌تی شاره‌وانی و گه‌شتوگوزار ڕه‌زامه‌ندی درا له‌سه‌ر خه‌رجكردنی چوار بڕی 4.707.000.000 (چوار ملیار و حه‌وتسه‌د و حه‌وت ملیۆن) دینار كه‌ ئه‌م بڕه‌ پاره‌یه‌ بۆ ئاماده‌سازیی رووبه‌ڕووبوونه‌وه‌ی كێشه‌ی كه‌مئاوییه‌ له‌ شاری هه‌ولێر و ده‌وروبه‌ری له‌ هاوینی ئه‌مساڵدا.

به‌ گوێره‌ی بڕیاره‌كه‌، ئه‌و بڕە پارەیە به‌ مه‌به‌ستی جێبه‌جێكردنی چه‌ند پرۆژه‌یه‌كی ئاوه‌ له‌ هه‌ولێر و ده‌وورووبه‌ری، وه‌ك ڕاكێشانی هێڵی كاره‌با بۆ بیره‌كان و دابینكردنی سێتی په‌مپی ئاسۆیی و بۆسته‌ره‌كانی ناو شاری هه‌ولێر و چاككردنه‌وه‌ی مولیده‌ی بیره‌كان و كڕینی كه‌لوپه‌لی پێویست بۆ پرۆژه‌كانی ئاوی ئیفراز/3 و به‌كرێگرتنی تانكه‌ر بۆ دابه‌شكردنی ئاوی خواردنه‌وه‌ له‌ شاری هه‌ولێر و ده‌وره‌به‌ری خه‌رجده‌كرێت.