ئەو پیاوەی لە سلێمانی 12چەقۆی لە هاوسەرەکەیدابو دەستگیرکرا

SNN

بەرپرسی بەشی جێندەری نوسینگەی قوباد تاڵەبانی، جێگری سەرۆکی حکومەتی هەرێم رایگەیاند: “شەوی رابردوو ئەو پیاوە دەستگیرکرا کە 12 چەقۆی لە هاوسەرەکەیدابوو دواتر هەڵاتبوو بۆ شوێنێکی نادیار”.

ئەمڕۆ چوارشەممە، ئاشتی عەبدوڵا، بەرپرسی بەشی جێندەری نوسینگەی قوباد تاڵەبانی جێگری سەرۆکی حکومەتی هەرێمی کوردستان بڵاویکردوەتەوە،” هێزە ئەمنییەکانی سلێمانی ئەو کەسەیان دەستگیرکرد کە چەند رۆژێک لەمەوبەر 12 چەقۆی لە هاوسەرەکەیدابوو”.

لە چەند رۆژی رابردوودا قوباد تاڵەبانی لەپەیامێکیدا، وتی “دەمەوێت قسەیەک لەدڵەوە بەژنکوژەکان بڵێم، بەڵێن بێت تا ئەو کاتەی لەم پۆستەمدا بم و لەهەر شوێنێک قسەم بڕوات، ناهێڵم لەدەستی یاسا دەرباز ببن‌و دەبێ سزای خۆتان وەرگرن، لەهەر کوێیەک بن دەستگیرتان دەکەین. ئەم قسەیە لە من وەربگرن، بەڵێن بێت ناهێڵم ئارام بخەون. وەک داعشێک مامەڵەتان لەگەڵ دەکەین.”