بافڵ جەلال تاڵەبانی و ئەمینداری حزبی فەزیلەی ئیسلامی کۆبوونەوە
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە ئەبوکەرار فەرێجی، ئەمینداری گشتیی حزبی فەزیلەی ئیسلامی.
لە دیدارێکدا كە دەرباز کۆسرەت رەسوڵ، کارگێڕی مەکتەبی سیاسی و رزگار حاجی حەمە، ئەندامی مەکتەبی سیاسی و فەیسەڵ کەریم خانی برادۆستی ئامادەبوون، دوایین هەنگاوەكانی پێكهێنانی حكومەتی نوێ و تێپەڕاندنی ئاستەنگەكان تاوتوێكران و جەخت لە سازان و لێكتێگەیشتنی هاوبەش كرایەوە.
سەرۆک بافڵ جەلال تاڵەبانی بۆچوونی حزبەكەی لەبارەی دۆخی ئەمڕۆی عیراق روونكردەوە و وتی، دۆخەكە پێویستی بە هەڵوێستی نیشتمانی و بەرپرسانەیە، ئەركی هەموو هێز و لایەنەكانە كار بۆ دروستكردنی حكومەتێكی بەهێز بكەن و عیراق ببەنە قۆناغێكی نوێی حوكمڕانییەوە لەپێناو دەستەبەركردنی ژیانێكی شایستە بۆ هاوڵاتییان.
