عێراق و ئێران پێکەوە رووبەڕووی خۆڵبارین دەبنەوە

SNN

ئێران و عێراق لەپێناو ڕووبەڕووبەنەوەى خۆڵبارین و ڕاگرتنى هاوسەنگىی ژینگە بڕیاریانداوە پاشماوەی نەوت بەكاربهێنن لە بیابانەكان، تا ڕێگریی لە خۆڵبارین بكرێت.

هەریەکە لە عەلی سلاجقە، سەرۆكی دامەزراوەی پاراستنی ژینگەی ئێران و جاسم عەبدولعەزیز حەمادى، وەزیری ژینگەی عێراق كۆبوونەوەیەكیان ئەنجامدا و تێیدا یاداشتنامەیەكیان بۆ بەرەنگاربوونەوەی دیاردەى و گۆڕانكارییەكانی كەشوهەوا واژۆکرد.

هەردوولا بڕیارانیادا هەماهەنگی تەواو و كاری جددیی بكەن، بۆ ڕاگرتنی هاوسەنگیی ژینگە، لەو چوارچێوەشدا پاشماوەی نەوت بەكاربهێنن لە بیابانەكان، تا ڕێگریی لە خۆڵبارین بكرێت و ڕێژەی سەوزایش بە پێی ستانداردە جیهانییەكان زیاد بكەن.

ماوەی چەند ساڵێكە بەهۆی كەمبارانیی و وشكەساڵییەوە، ژینگەی عێراق ڕووبەڕووی مەترسی بووەتەوە و چەندین جار لەو بارەیەوە هۆشداری دراوە و داوای دروستكردنی پشتێنەی سەوزایی كراوە لە عێراقدا.