تووشبوون بە شێرپەنجە لەنێو منداڵاندا هەیە و هۆکارەکانیش زۆرن
دکتۆر پشدەر عەبدوڵا
SNN-عەلی حەمە سەعید
لەگەڵ ئەوەی لەئێستادا حاڵەتەكانی توشبوون بە شیرپەنجە ڕۆژانە ڕوو لە زیادبوون دەكات، لەناوهاووڵاتیانیشدا ئەوەباسدەكرێت كە هۆكاری سەرەكی تووشبوون بە شیرپەنجە بۆ زۆر بەكارهێنانی ڕۆنی زەیت دەگەڕێتەوە لە دروستكردنی خواردنەكاندا، پزیشكێكی پسپۆڕیش ئاماژە بەوەدەكات هۆكارەكانی توشبوون بە شێرپەنجە زۆرن جگە لە زەیت و هەندێك جۆری خۆراك بۆماوەیی هۆكاری دیكەی توشبوونە بە شێرپنجە.
د. پشدەر عەبدوڵا، پزیشكی پسپۆڕی بواری منداڵان بە SNNی ڕاگەیاند: حاڵەتەكانی تووشبوون بە شێرپەنجە لەناو منداڵاندا و گەورەكان ڕوو لە زیاد بوونن، بەڵام ناتوانین تەنها هۆكارێك دیاری بكەین كە دەبێتە هۆی تووشبوون بە شیرپەنجە چونكە لە جیهاندا هۆكار گەلێك هەن كە دەبنە هۆی تووشبوون بە شێرپەنجە، هەندێك حاڵەت هەن بەهۆی خۆراك و زەیتەوە تۆمار دەكرێن هەندێك حاڵەتیش هەن بەهۆی بۆماوەیی و بەكارهێنی تیشك و جگەرە و نێرگەلەوە تۆمار دەكرێن بۆیە ناتوانین بڵێین بەتەنها ڕۆنی زەیت هۆكارە بۆ توشبوون بە شێرپنجە.
ئاماژەی بەوەشكرد، حاڵەتەكانی تووشبوون بە شیرپەنجە لە نێومنداڵانیشدا بوونی هەیە، ئێمە لە نەخۆشخانەی منداڵان كاتێك حاڵەتێكی گوماناویمان بۆ دێت حاڵەتەكان دەستنیشان دەكەین و پاشان ڕەوانەی نەخۆشخانەی هیوایان دەكەین بۆ ئەوەی بڕیاری كۆتایی لەبارەوە بدەن ئاخۆ تووشبووی شێرپەنجەیە یا خودنا، بۆیە بەگشتی خۆپارێزی و بەكارهێنانی خواردنی تەندروست هۆكارن بۆ ئەوەی حاڵەتەكانی تووشبوون بە شێرپەنجە ڕوو لە كەمی بكەن.
وتەكانی ئەو پزیشكە لەكاتێكدایە كە بەوتەی بەڕێوەبەری نەخۆشخانەی هیوای تایبەت بە چارەسەری تووشبووانی شێرپەنجە ڕۆژانە نزكیەی هەزار نەخۆش سەردانی نەخۆشخانەكەیان دەكەن بەمەبەستی وەرگرتنی چارەسەرو ڕۆژانەش 15 حاڵەتی نوێی توشبوون بە شێرپەنجە تۆمار دەكرێن.
