“لە ئێستادا لە رۆژهەڵاتی کوردستانم و رێگریم لێدەکرێت بێمەوە هەرێم”

SNN

سەرۆکی پێشووی ئەنجومەنی سەرکردایەتی پارتی لە سلێمانی و ئامۆزای مەسعود بارزانی لە لێدوانێکی میدیایدا رایگەیاند: “لە ئێستادا هەرێمی کوردستانم جێهێشتووە و لە ڕۆژهەڵاتی کوردستانم، ڕێگری لە گەڕانەوەم بۆ ھەرێمی کوردستان دەکرێت.”

ئاماژەی بەوەشکردووە، ” ئەگەر بەرپرسانی ھەرێم لەسەر ھەمان بیرورایان بەردەوام بن و ڕێگری لە گەڕانەوەم بکەن، ناچار دەبم بگەرێمەوە شوێنێکی دیکەی وڵات، پلانی ئەوەم ھەیە بچمە شاری بەغداد و لەوێوە بەردەوام بم لە کارەکانم و بارەگای خۆم بنیاد بنێم و پەیوەندیە سیاسییەکانم بەردەوامی پێبدەم”.

وتیشی “ئەوکاتەی ڕێگری لە گەڕانەوەم کرا لەسەر سنوور، بەرپرسانی باڵای ھەرێمم ئاگادار کردەوە، لە ئێستاشدا چاوەڕێی ھەنگاو و وەڵامی ئەوانم و تا ئێستا ھیچیان نەوتووە نە بەباش و نە بە خراپە.”