ئەمریکا بەشێک لە ھێزەکانی لە ڕۆژئاوای کوردستانەوە دەگوازێتەوە بۆ هەرێم

SNN

ئەمریکا بەشێک لە ھێزەکانی لە ڕۆژئاوای کوردستانەوە دەگوازێتەوە بۆ باشووری کوردستان، سەرچاوەکانی ھەواڵی لە ناو کوردستانی رۆژئاواوە ڕایانگەیاند، ھێزەکانی ئەمریکا کاروانێکی سەربازییان لە بنکەی “خراب جیر”ی پارێزگای حەسەکە لە ڕێگەی دەروازەی “وەلید”ەوە گواستووتەوە بۆ خاکی عێراق.

بەپێی وتەی سەرچاوەکان، کاروانە سەربازییەکەی ئەمریکا پێکھاتووە لە 165 ئۆتۆمبیڵ کە لەناویاندا ئۆتۆمبێلی ھەمەڕ و 25 زرێپۆش و ژمارەیەک بار ھەڵگر ھەبووە کە بەچادر داپۆشراوە وچەکی قورسی بەسەرەوە بووە.

ئەوەش لەکاتێکدایە هەفەی رابردوو، رەجەب تەیب ئەردۆغان سەرۆک کۆماری تورکیا لەکاتی گەڕانەوەی لە ئێران بە رۆژنامەنوسانی راگەیاند، “پێویستە ئەمریکا ئێستا رۆژھەڵاتی فوڕات جێبێڵێت، چونکە ئەمە ئەنجامی گفتوگۆکانی کۆنگرەی ئەستانایە. تورکا چاوەڕوانی ئەوە لە ئەمریکا دەکات.”