“داواكاریم پێشكهشى داواكارى گشتى كردووه تیكتۆك ڕابگرێت”
ڕوپاك ئهحمهد، ئهندامى پهرلهمانى كوردستان | فۆتۆ: پهرلهمانى كوردستان
SNN
دوو ئهندامى پهرلهمانى كوردستان داوایهكیان ئاراستهى داواكارى گشتى كردووه بۆ راگرتنى تۆڕى كۆمهڵایهتى تیكتۆك له ههرێمى كوردستان.
ڕوپاك ئهحمهد، ئهندامى پهرلهمانى كوردستان له پهڕهى تایبهتى خۆى له تۆڕى كۆمهڵایهتى فهیسبووك نووسیوویهتى، “لهگهڵ پهرلهمانتار بهدریه ئیسماعیل نووسراوێكمان ئاراستهى داواكارى گشتى كردووه له ههرێم بۆ ئهوهى تۆڕى كۆمهڵایهتى تیكتۆك له ههرێم رابگیرێت”.
له دهقى نووسراوهكهدا كه ئهو دوو پهرلهمانتاره ئاراستهى داواكارى گشتیيان كردووه هاتووه، “داوا له داواكارى گشتى دهكهین رێكارى یاسایی بگرێتهبهر بۆ راگرتنى تۆڕى كۆمهڵایهتى تیكتۆك لهپێناو پاراستنى بهها و رهوشتى كۆمهڵگهكهمان، لهبهر ئهوهى كاریگهریی نهرێنى لهسهر كۆمهڵگهكهمان ههیه و گهر بهمشێوهیه بهردهوام بێت دهرئهنجامه خراپهكانى له چهند ساڵى داهاتوودا دهبینین”.
دهقى نووسراوهكه
