بافڵ جەلال تاڵەبانی: سووربوونمان لەسەر دیالۆگی نیشتمانیی بونیادنەرانە دووپات دەکەینەوە
بافڵ جەلال تاڵەبانی، سه‌رۆكى یه‌كێتیی نیشتمانیی كوردستان | فۆتۆ: SNN
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لە پەیامێکدا رایگەیاند: “بە ئەوپەڕی نیگەرانییەوە چاودێری ئەو رووداوە نەخوازراوانە دەکەین کە روویاندا و تاوەکو ئێستاش لە بەغدا و ژمارەیەک پارێزگای دیکەی خۆشەویست بەردەوامن”.
راشیگەیاندووە: “بانگهێشت و سووربوونمان لەسەر دیالۆگی نیشتمانیی بونیادنەرانە دووپات دەکەینەوە بۆ هەموو هێزە سیاسییەکان و درێژەدان بە گفتوگۆ بەگیانێکی نیشتمانی و بەرپرسیارانەوە. وەلانانی توندوتیژی و بەگەڕخستنی هەموو هەوڵێکی چاکەخوازانە لەپێناو رێگریکردن لە رشتنی خوێنی بەهاداری گەنجان و رۆڵەکانی نیشتمان”.
سەرۆکی یەکێتی لە کۆتایی پەیامەکەیدا رایگەیاندووە: “پاراستنی دامەزراوەکان و خۆپیشاندەران مافێکی نیشتمانی و دەستوورییە و پێویستە هەمووان پێوەی پابەندبن”.
