ناوهڕۆكى كۆبوونهوهكهى دوێنێ شهوى ماڵى نورى مالكى
كۆبوونهوهى سهركردهكانى چوارچێوهى ههماههنگى | فۆتۆ: BT
SNN
سهركردهكانى چوارچێوهى ههماههنگى رێككهوتن دانیشتنى پهرلهمانى عێراق بۆ دواى مهراسیمهكانى ئهربهعین (چلهى ئیمام حسێن) دوابخهن.
شهوى رابردوو ههینى 2ى ئهیلول، سهركردهكانى چوارچێوهى ههماههنگى لهماڵى نورى مالكى، سهرۆكى هاوپهیمانى دهوڵهتى یاسا له بهغدا كۆبوونهوه و تاوتوێى دۆخى سیاسى عێراقیان كرد.
ئهمڕۆ شهممه 3ى ئهیلول، پێگهى ئێرسنیوزى عێراقى لهسهر زار سهرچاوهیهكى ئاگادار له كۆبوونهوهكه بڵاویكردهوه، “له كۆبوونهوهكهدا سهركردهكانى چوارچێوهى ههماههنگى رێككهوتوون چالاكییهكانیان و كۆبوونهوهى پهرلهمان تاوهكو دواى كۆتایی هاتنى چلهى ماتهمینى ئیمام حسێن دوابخهن و دانیشتنى پهرلهمان بهڕێوهنهچێت تا ئهو كاته”.
سهرچاوهكهى ئێرس نیوز لهبارهى هۆكارى دواخستنى كۆبوونهوهى پهرلهمان ئهوهشى خستووهتهڕوو، “سهركردهكانى چوارچێوى ههماههنگى پێیانوابووه ئهنجامدانى كۆبوونهوهى پهرلهمان ئهگهرى سهرههڵدانى ئاڵۆزى لێدهكهوێتهوه و ئهگهرى ههیه كاریگهریى لهسهر ئهو ملیۆنان زیارهتكاره دابنێن كه بهو بۆنهیهوه دێنه عێراق”.
