نرخی ئایفۆنی 14 لە 1300 دۆلارەوە دەستپێدەکات بۆ 1800 دۆلار
ئایفۆن 14
SNN/ محەمەد سەلامی
رەنج محەمەد، وتەبێژ لە کۆمۆپانیای ئەسێ لە شاری سلێمانی بە تۆڕی هەواڵی سلێمانی SNNی راگەیاند: لە چەند کاتژمێری داهاتوودا ئایفۆنی 14 دەگاتە سلێمانی و لە ئیڤێنتێکدا بۆ هاووڵاتیان تایبەتمەندییەکانی نمایش دەکرێت.
رەنج ئەوەشی بە SNN راگەیاند: نرخی ئایفۆنی 14 لە 1300 دۆلارەوە دەستپێدەکات بۆ 1800 دۆلار، ئەویش بەپێی جۆر و تایبەتمەنییەکان و بڕی گێگابایتی نرخەکەی گۆڕانکاری بەسەردا دێت، تا کاتی ئێستاش زیار لە 800 کەس ناویان تۆمارکردووە بۆ ئەوەی کە ئایفۆنی نوێ گەیشتە شاری سلێمانی وەک یەکەم کەس بەدەستیان بگات.
