ژینا ئهمینی 22 ساڵ گیانی لهدهستدا
ژینا ئهمینى، ئهو كچه كوردهى لهلایهن پۆلیسى ئیرشادى ئێرانهوه لێیدراو و گیانى لهدهستدا | فۆتۆ: تۆڕه كۆمهڵایهتیهكان
SNN
ئهمرۆ ههینی 16ی ئهیلول، موژگان ئهمینی دایكی ژینا به میدیاكانی ئێرانی راگهیاند: “ئهمرۆ كچهكهی له نهخۆشخانه بههۆی سهختی برینهكهیهوه گیانی لهدهستداوه.”
ژینا ئهمینی ناسراو به “مههسا ئهمینی” 22 ساڵ، خهڵكی شاری سهقزی رۆژههڵاتی كوردستانه، ئهو له میانهی گهشتێكدا بۆ تاران له لایهن هێزه ئهمنییهكانهوه دهستبهسهر كرا و به هۆی ئهشكهنجهوە به سهختی بریندار بووه و رهوانهی نهخۆشخانه كرا، بە بیانووی ئەوەی لەچکی تەواوی نەبەستووە”
رێکخراوی مافی مرۆڤی “هەنگاو” رایگهیاند، ژینا رووبهڕووی ئهشكهنجه بووهتهوه و بهو هۆیهوه گواستراوهتهوه بۆ نهخۆشخانه و له ژێر چاودێری چڕدایه، ئهفسهرانی دهورییهیهكی ئیرشادی كۆماری ئیسلامی ئهشكهنجهی ئهو كچهیان كردووه و دوای دهستگیركردنی لهسهر رێگهی خێرای حهقانی رهوانهی زیندانی “وهزیران” كراوه.
یهكێك له خزمهكانی ئهوهیان پشتڕاستكردووهتهوه، به چهقۆ له كچهكه دراوه و سهری به سهختی بریندار بووه و دوای گواستنهوهی بۆ زیندان، به هۆی خراپی رهوشی تهندرووستییهوه گواستراوهتهوه بۆ نهخۆشخانه و ئێستا له نهخۆشخانهی “كاسری” له ژێر چاودێری چڕدایه.
پزیشكانی نهخۆشخانهكه، به كهسوكاری ئهو كچهیان وتووه، كه ژینا مێشكی له رووی پزیشكییهوه مردووه و هیوابڕ بوونه له چاكبوونهوه و به هۆش هاتنهوهی، پۆلیسی تاران، له راگهیهندراوێكدا، ئاماژهی به دۆسییهی ژینا كردووه، بهڵام رووداوهكهی وا باسكردووه، كه دوای گواستنهوهی ئهو كچه بۆ یهكێك له بهڕێوبهرایهتییهكانی پۆلیس تووشی كێشهی دڵ بووه، دوای تووشبوونی ئهو كچه به حاڵهته كتوپڕهكهی دهستبهجێ رهوانهی نهخۆشخانه كراوه و چارهسهری پێویستیی بۆ دهكرێت.
