له ئێران خۆپیشاندان بۆ پشتیوانى باڵاپۆشى ئهنجام درا
خۆپیشاندان بۆ پشتیوانى باڵاپۆشى له ئێران | فۆتۆ: ئیرنا
SNN
ئهمڕۆ ههینى 23ى ئهیلول، له چهند شارێكى وڵاتى ئێران ژنان رژانه سهرشهقام بهمهبهستى پشتیوانیكردن له باڵاپۆشى له وڵاتهكهیان.
بههۆى شههیدبوونى ژینا ئهمینى ئهو كچه كورده سهقزیه تهمهن 22 ساڵهى كه ههفتهى پێشوو پاش دهستگیر كردنى لهلایهن پۆلیسى ڕهوشتى ئێران بهسهختى برینداربوو و پاشان گیانى لهدهستدا، له سهرتاسهرى ئهو وڵاته خۆپیشاندان و ههڵمهتى سووتاندنى لهچك دهستیپێكرد.
له كاردانهوهى خۆپیشاندانهكاندا لەسەر داوای ئەنجوومەنی ھەماھەنگیی گەشەپێدانی ئیسلامیی ئێران و دوای نوێژی ھەینی، لە شارەکانی تاران، ئەھواز، ئەسفەھان، قوم و تەبرێز، ھەزاران خۆپیشاندەران بە رێپێوان رژانە سەر شەقامەکان و پشتیووانیان لە حکومەت و باڵاپۆشی كرد.
هاوكات ئەحمەد خاتەمی وتاربێژی، مزگەوتی زانکۆی تاران لە میانی وتاری ھەینیدا، داوای لە دامەزراوەکانی جێبەجێکردنی یاسا کرد، “سزای ئەو کەسانە بدەن کە لە پشت خۆپیشاندان و ناڕەزاییەکانەوەن”.
خۆپیشاندانهكان له كاتێكدایه رێكخراوى مافى مرۆڤى ههنگاو دوێنێ پێنجشهممه له راپۆرتێكدا رایگهیاند، “لە ناڕەزایی دەربڕینەکانی رۆژی چوارشەممە لانیکەم 8 هاووڵاتیی ناڕازیی کورد بە تەقەی ڕاستەوخۆی هێزە چەکدارەکانی کۆماری ئیسلامیی ئێران کوژراون و زیاتر لە 281 هاووڵاتیی دیکەش بریندار بوون و دەیان کەسیش دەستبەسەر کراون”.
